In Gran Bretagna in s’urtimu annu funt crescius de duas bortas is casus de elmizolu e difatis s’Agentzia po sa Saludi est arriolada meda. Po su giornali Times una parti de curpa po totu custu est finas de s’Italia e prus che a totus de is partidus chi funt guvernendu: Lega e Movimentu cincu steddas. “Is populistas non scint eita funt fendu”, si ligit in is paginas de su giornali chi si dda pigat finas cun su Front National de Marine Le Pen. “Salvini non scit cussu chi narat, chistionat de su perigulu de maladias de is imigraus africanus e in segus fait una politica po bociri is pipius italianus”, sighit su Times. Sempiri po su giorronali ingresu medas de is infetzionis funt portadas in Gran Bretagna de cussus chi funt benius in Italia, aunia sempiri po su Times, ci funt stetius cincumila casus de is bintunamila de totu s’Europa, sa media est unu dogna cuatru. In Italia sa percentuali de is pipius vacinaus est de s’otantacincu po centu, meda prus basciu de cussa de sa Gran Bretagna, chi est de su norantadus po centu.
Foto: ansa.it
