At erribai sa dî chi non s’at agatai prus mancu un’aministradori po is cumunus. In is biddas piticas de sa Sardigna is sindigus erriscant de fairi sa fini de is animalis chi non s’agatant prus. S’urtima borta chi seus andaus a votai po is comunalis in totu Italia in seti biddas non s’est presentada mancu una lista, cosa trista de nai est ca cincu de custas funt sardas. Tra custas cincu ddue fut finas sa sindaga de Sarule Mariangela Barca chi, apustis airi guvernau po cinc’annus, s’intendiat tropu stanca de abarrai a sola e non ce dda faiat prus cun sa burocratzia de su Stadu. Imoi c’est finas chi non ce dda fait a acabai is cinc’annus, andendusindi ainnanti, comenti Lucia Catte chi de ot’annus est sa sindaga de Romana, biddigidda de su Meilogu. Finas a dominigu podit nai ca ddu a torrau a pensai ma sa sindaga est decidia a mollai totu. “Deu istu beni de saludi, is problemas funt politicus, publicus. Si podit nai ca non ce dda facu poita soi lassada a sa sola”. Sa situatzioni de Romana, seus segurus, est cussa puru de meda atrus cumunus sardus e feti si nd’eus acatai candu in atras biddas puru sa genti s’at a stancai.


Foto: wikipedia.org