Su Casteddu sighit a trabagliai in Trentino po si fairi agatai prontu po s’incumentzu de su campionau. Dinnanti iat giogau sa prima partida contras de sa Rotaliana acabada po 9-0 e eriseru at giogaus sa segunda partida contras de su Real Vicenza, 10-0 s’arresultau. Custa borta s’allenadori Maran at incumentzau cun custa formatzioni: Cragno; Faragò, Romagna, Ceppitelli, Pajac; Deiola, Colombatto, Barella, Castro; Farias, Han. Firmu Cerri, chi est s’urtimu erribau. Mancant ancora Srna (non podit giogai mancu partidas che-i custas) e Joao Pedro (est allenendusì a solu in Casteddu a su Cus prima de torrai atobiai is cumpangius): totus dus scualificaus po su doping. Is degi gol de sa partida ddus ant fatus Deiola, Faragò, Castro, Barella, Ionita, Pavoleti e duas bortas a testa Han e Farias.
Foto: calciomercato.com
