S’abba de Casteddu si podit bufai chena perunu perigulu, erribat de Massimeddu Zedda sa seguresa e cumbidat “a non fairi girai sa bogi, comenti s’est fendu in custas oras, cosas chi non funt beridadi”. “S’abba de Casteddu – sighit su sindigu de Casteddu – si podit bufai e si podit umperai po calechisiat cosa, ddu narat finas s’Atzienda po s’agiudu de sa Saludi de sa Assl de Casteddu chi fait sciri ca totu est in sa norma apustis airi controllau s’abba de sa funtana de viale Buoncammino”.
S’Assl de Casteddu de su 27 de làmpadas in pissu de s’abba de sa funtana, arregolta duas dìs innanti, chistionaiat de sa presentzia de cloriti prus de sa norma e naraiat ca su problema podiat essiri in totu sa rete de s’abba. Imoi perou sa Comuna casteddaia fait sciri ca est totu apostu. Su problema est ca cussu scritu de sa Assl est fendu su giru de totus is telefoneddus e de is social comenti chi siat ancora beridadi.
Foto: siniscolanotizie.net
