Un’iscoberta de is specilaistas de s’Universidadi e de s’Aou de Tatari, paris cun is cicadoris de s’Universidadi de Milano-Bicocca, oberit unu campu nou in su studiu e in sa lota a su papilloma virus. Is istudiosus ant fatu una cica e ant iscobertu su Dna de su papilloma in su sanguni de is feminas chena cancru. Su studiu, chi est stetiu fatu de is cicadoris de Microbiologia de se su dipartimentu de Meigina e chirurgia de s’Universidadi de Milano-Bicocca, paris a is collegas de Ginecologia de s’ispidali San Gerardo de Monza e de sa Setzioni de Igiene de su Dipartimentu de Meigina clinica est stetiu pubricau in sa rivista scientifica Plos One, e scoviat cosas chi ancora non si connosciant de su Hpv.
Finas a imoi si sciat ca su papilloma virus infettada peddi e mucosas, feti pagus studius fatus innanti ant fatu biri sa presentzia de su Dna virali in su sanguni cun cancru a s’uteru. Immoi, torrendu gratzias a-i custa cica, s’est fatu unu brinchidu mannu. Custa cica s’est fata in pissu de centubinti feminas.
