Messagius in is telefoneddus, in su computer, volantinus, publicidadi in is giornalis e in televisioni e scritas, chi ndi bogant s’ogu a su tzurpu, apetotu. Est impossibili a no sciri ca tra tres dîs at essi su Black Friday e in Sardigna s’ant oberri is comporas po is festas. Cust’ocasioni non si podit perdiri, in custu “cenarda nieddu” si podit agatai de totu a pretzius prus bascius: de sa cosa giai umperada a su bestiri, de is crapitas a is cosas tecnologicas. Su “Cenarba nieddu” est un’usantzia portada de s’America e at pigau su nomini de su traficu de machinas medas chi s’agatat in totu is citadis. Est un’atopu importanti po donai unu pagu de airi a is butegheris chi non bint s’ora chi erribit custu cenarba. Su spetu est de is prus bonus po totus, difatis in atras partis de s’Italia at giai fatu godangiai beni. Su problema mannu podit essiri culturali, poita si depeus sempiri castiai a is atrus e no ce dda feus nosu etotu a tenni ideas chi podint binciri?