Bia ora de is cuatru de mengianu, in s’ispidali de su presoni de Parma, est mortu su boss de sa mafia Totò Riina. Teniat otantaset’annus fatus eriseru. Fut in coma de una pariga de dîs pustis una pariga de operatzionis. Propriu eriseru su ministru de sa Giustissia iat donau s’autorizatzioni a is familiaris de ddu podiri visitai.

 

Riina ddu iant impresonau in su 1993, su 15 de su mesi de bennargiu, pustis binticuatru annus de latitanza e fut a su 41 bis poita ddu ant cundennau a su presoni a vida po bintises bortas. Medissimas is cosas chi at fatu, bastat a s’arregodai is mortis de Falcone e Borsellino, in custa si fut morta finas sa sarda Emanuela Loi, politziota de Sestu. Non s’est mai pentiu e cun sa giustissia no at tentu mai perunu raportu. Cun sa morti de Riina si serrat una pagina de is prus nieddas de s’Italia chi at semenau mortis in totue.