Giulianu Ferrara, giornalista,
duos seros in televisione,
at fatu de amore una lescione
cun sa muzere Anselma, regista.
Ma sa censura, a pena s’est abbista
de sa tropu pesante invasione,
at censuradu sa trasmissione,
chi fit pro sa cultura una conchista.
Ferrara in erotismu est cumpetente
e cunform’a s’istatza at su valore,
pro fagher in cuss’arte su docente.
Però, pro gulpa de unu censore,
faghen mancare a su teleutente
paritzos cuintales de amore.
