Est sa dì de cuatru de guerra in Iran, a pustis s’atacu de is Stadus Unidus de America e Israele, cun su bocidorgiu de Khamenei e de atrus ominis de su guvernu.
Is Stadus Unidus e Israele sighint a tirai bombas e missilis in Teheran. E sa gherra s’ammanniat: s’Idf est imbucau, de su caminu in terra, in su Libanu de basciu pighendusì prus de unu puntu in is orus pop onni prus fortza aunia si depint difendiri. In totu custu is iranianus sighint a tirai missilis in pissu de Gerusaleme, Dubai e Doha.
Effi Defrin, chi est cussu chi fueddat de su Idf ha nau ca s’aeronautica militari at atacau is palatzus de prus importu de is ahatollah. Is palatzus, sempiri po cussu chi narat Defrin, funt stetius boddius intru su noti, in su centru de sa capitali de s’Iran.
Ore 10.40 – L’Iran agli europei: «Non unitevi alla guerra di Usa e Israele»
De sa natzioni asiatica faint sciri a is europeus de non si ponni in mesu a-i custa guerra intru de americanus e israilianus contras de insoru.
Tajani, su ministru de is Esterus de su guvernu de Giorgia Meloni, s’arriolat po is italianus chi s’agatant ancora in mesu a custu disacatu mannu: “Seus aprontendu, paris finas a is cumpangias turisticas, is movimentus de Dubai bia Muscat in Oman, po agiudai su caminu in is làcanas. De Roma s’est movia una scuada de s’Unidadi de Crisi de Roma, chi est giai operativa e si prenit de tres diplomaticus, dus carabineris, dus finantzieris e un’omini de sa Protetzioni Civili po donai s’agiudu massimu e cicai de ponni un’ala is trufas chi funt cichendu de bendiri is biglietus aereus a pretzius prus artus”, custus is fueddus de Antoni Tajani a RaiNews24.
Trump de parti sua fait sciri ca “teneus aici armas medas chi podeus andai a inanntis po sempiri”. Eus a benni a biri eita nd’ant a pensai is americanus candu ant essi lamaus a po su “Middle term” de ocannu. Ca tanti funtzionat aici!
Foto: https://www.avvenire.it/mondo/la-guerra-adesso-e-diventata-preventiva-cosa-puo-succedere-dopo-liran_105233
