Si ndi pesat sa timoria, e cun issa s’arriolu, po is sardus chi s’agatnat in Dubai e chi funt bivendu su lompimentu de is missilis iranianus in pissu de sa conca. Est finas de nai ca is missilis lompint in Dubai feti po mori de s’atacu de is israilianus e de Trump, chi ant decidiu de conca insoru chna ponni in mesu a perunu. Eris un’atru atacu tostau de is missilis de s’Iran est erribau in sa citadi de is Emiratis Arabus.
Su problema mannu, po chini s’agatat ancora inigui, est ca non si connoscit po nudda candu ant a podiri pigai s’aparechiui po torrai a domu. Difatis is volus benint cancellaus a pagu-a pagu. E feti calencunu aereu, pagus est a a nai sa beridadi, si ndi pesant de terra, ma sempiri scortaus de is “caccia” militaris.
Is novas chi ddis lompint non funt de spera, est a nai ca s’aereu chi depiat partiri de Dubai po erribai a Fiumicino de custu mericeddu est stetiu cancellau. Aici comenti parit probabili meda ca finas s’aereu de sabudu at a fairi su matessi acabbu.
Is autoridadi de is Emiratis Arabus funt agiudendu sa genti chi funt in si albergus, finas cun dinari. Ma, sa situatzioni est dificili su matessi, cun sa serrada de is làcanas est impossibili a si spostai cun sa vetura po erribai, a pustis airi fatu caminu meda, atrus aeroportus de sa regioni. Po immoi non si podit sciri candu s’at a podiri partiri. A ponni in arriolu anora de prus est sa dificoltadi manna de fueddai cun s’ambasciada italiana po otenni agiudu: minutus de passientzia in su telefunu non serbint po tenni novas uficialis de sa Farnesina.
Totu custu in su mentris chi de una parti e de s’atra sighint a si tirai missilis e bombas, comenti non ias airi cretiu. Su spetu est cussu chi de una dì a un’atra dd’acabbint, ma po immoi parit unu bisu.
Foto: https://www.repubblica.it/esteri/2026/03/01/news/dubai_missile_fairmont_hotel_kuwait_base_italiani-425192209/
