“Dd’apu bida sparessiri in su scuriu, non dd’apu bocìa”. Chistionat po sa borta de unu sa mama de Saman Abbas e, prangendu, narat de no airi bocìu sa figlia. E finas su babbu narat su matessi, est a nai ca non dd’ant bocìa issus, ma s’indicu insoru est contras de is tzius e is fradilis de Saman.

Pobidda e pobiddu, dapoi, ant nau ca funt faulas is fueddus de su figliu prus piticu, e fradi de Saman, chi ddus incurpat. Contus chi si imbestint e chi una borta narant una cosa e un’atra borta  s’imbessi. Is tres ant chistioanu, in calidadi de imputaus, in su processu de apellu chi funt fendu po su bocidorgiu. Su tziu de sa picioca, chi si pensat siat cussu a airi bocìu, s’urtima borta chi ddu ant intendiu iat nau de no sciri chini apat bocìu a Saman. Ma, de airi scipiu de su Pakistan ca funt su babu e sa mamma a airi fatu foras sa picoca. A sa matessi manera su tziu sciat aunia Saman fut interrada e ddu at amostau finas a sa giustissia.

Po chini est sighendu s’indagu su cofu ddu ant scorrovonau is dus fradilis de Saman, chi finas a immoi funt abarraus a sa citia, ma candu at a tocai a issu a fueddai ant a podiri nai sa insoru.

Nemus, foras de su fradi de sa morta, chi no est indagau, incurpat is atrus, ma su “clan”, aici comenti ddu iat lamau sa Procura de Regiu Emilia, s’est cumpartziu. Cuatru annu a pustis sa morti de Saman, su viagiu in Pakistan po su babbu e sa mama, su fuimentu in Francia e Spagna po is atrus tres parentis. Ma immoi s’acostiat sa beridadi manna.

Finas poita cun dd’una curpa aici s’erriscat su presoni po totu vida: de innoi partint su babbu e sa mama, Shabbar Abbas e Nazia Shaheen, portaus in su Stadu de is arreiginis e cundennaus in Regiu Emilia a su preoni a vida de su mesi de idas de su 2023. Su tziu Danish, ca po sa Procura emiliana at bocìu, at tentu una cundenna de catodixi annus, in su mentris chi is dus fradilis, Nomanhulaq Nomanhulaq e Ikram Ijaz, ddus nt assorvius de dogna curpa.

 

 

 

Màuru Mura

 

 

 

 

Giobia, su binti de martzu de su 2025

 

 

Attività realizzata col contributo della Regione Sardegna – Imprentas 2024-2025. Legge Regionale 22/2018

 

 

Ativadi apariciada cun s’agiudu de sa Regioni Sardigna – Imprentas 2024-2025. Lei Regionali 22/2018

 

 

Foto: https://www.ilriformista.it/saman-abbas-al-via-il-processo-per-lomicidio-della-18enne-la-madre-e-ancora-latitante-343080/