Parteus de una seguresa manna: Walter Mazzarri est unu chi is scuadras in campu cumprendit comenti ddas ponni!
Cumentzat cun d’unu puntu foras de domu, in domu de una scuadra forti comenti sa Lazio de Sarri, su tempus de Mazzarri in sa panchina de su Casteddu. Sa partida de s’Olimpicu acabat po 2-2, cun is sardus chi, a innantis depint sighiri e a pustis si fuint. Ponit totus de acordiu su gol de Cataldi, candu su Casteddu fut giai bisendu de ndi bessiri cun tres puntus. Immobile iat fatu su 1-0 e duncas Joao Pedro cun Keita ant portau sa partida a favori de isorrubius-asulus. A dogna manera unu puntu de importu in d’unu campu dificili meda e contras una scuadra chi contat. C’at de essiri allirgus.
Contras de sa Lazio s’allenadori nou de su Casteddu, chi a cumentzu de cida a pigau su postu de Lionardu Semplici at fatu calai in campu custus ominis: Cragno, Caceres, Ceppitelli, Carboni, Dalbert, Lykogiannis, Deiola, Marin, Nandez, Joao Pedro, Keita.
At arrespustu Martusciello, chi at ghiau sa Lazio poita Sarri fut scualificau cun: Reina, Lazzari, Luiz Felipe, Acerbi, Hysaj, Milinkovic-Savic, Lucas Leiva, Luis Alberto, Pedro, Felipe Anderson e Immobile.
A s’acabu de sa partida custus is fueddus de Mazzarri: “Soi cuntentu, non fut facili a aprontai sa partida in pagus dis. Is piciocus ant cumprendiu ca non soi unu chi s’acuntentat, ma sa partida est andada beni. Chi tocat a cicai unu pilu in s’ou depu nai ca, a pustis, su gol de Keita eus timiu. Cun d’unu pagu de atentzioni in prus podiaus fairi un’atru gol. Is giogadoris ant fatu totu cussu chi iaus decidiu a intru de cida, finas a candu ce dda eus fata cun sa cursa. Non si scaresciais ca indenanti teniaus una scuadra forti meda: in su primu tempus podiaus segnai e dispragit ca in sa segunda parti non dda eus serrada”.
Non c’at tempus de si pasai, pusti cras atra partida, in Casteddu cun s’Empoli: lompint is primus tres puntus?
Màuru Mura
“Attività realizzata col contributo della Regione Sardegna – IMPRENTAS 2020-2021 LR 22/2018, art. 22”.
Foto: https://www.chicchecalcio.it/lazio-cagliari-2-2-sintesi-video-gol-e-highlights-da-youtube-serie-a/
Parteus de una seguresa manna: Walter Mazzarri est unu chi is scuadras in campu cumprendit comenti ddas ponni!
Cumentzat cun d’unu puntu foras de domu, in domu de una scuadra forti comenti sa Lazio de Sarri, su tempus de Mazzarri in sa panchina de su Casteddu. Sa partida de s’Olimpicu acabat po 2-2, cun is sardus chi, a innantis depint sighiri e a pustis si fuint. Ponit totus de acordiu su gol de Cataldi, candu su Casteddu fut giai bisendu de ndi bessiri cun tres puntus. Immobile iat fatu su 1-0 e duncas Joao Pedro cun Keita ant portau sa partida a favori de isorrubius-asulus. A dogna manera unu puntu de importu in d’unu campu dificili meda e contras una scuadra chi contat. C’at de essiri allirgus.
Contras de sa Lazio s’allenadori nou de su Casteddu, chi a cumentzu de cida a pigau su postu de Lionardu Semplici at fatu calai in campu custus ominis: Cragno, Caceres, Ceppitelli, Carboni, Dalbert, Lykogiannis, Deiola, Marin, Nandez, Joao Pedro, Keita.
At arrespustu Martusciello, chi at ghiau sa Lazio poita Sarri fut scualificau cun: Reina, Lazzari, Luiz Felipe, Acerbi, Hysaj, Milinkovic-Savic, Lucas Leiva, Luis Alberto, Pedro, Felipe Anderson e Immobile.
A s’acabu de sa partida custus is fueddus de Mazzarri: “Soi cuntentu, non fut facili a aprontai sa partida in pagus dis. Is piciocus ant cumprendiu ca non soi unu chi s’acuntentat, ma sa partida est andada beni. Chi tocat a cicai unu pilu in s’ou depu nai ca, a pustis, su gol de Keita eus timiu. Cun d’unu pagu de atentzioni in prus podiaus fairi un’atru gol. Is giogadoris ant fatu totu cussu chi iaus decidiu a intru de cida, finas a candu ce dda eus fata cun sa cursa. Non si scaresciais ca indenanti teniaus una scuadra forti meda: in su primu tempus podiaus segnai e dispragit ca in sa segunda parti non dda eus serrada”.
Non c’at tempus de si pasai, pusti cras atra partida, in Casteddu cun s’Empoli: lompint is primus tres puntus?
Màuru Mura
“Attività realizzata col contributo della Regione Sardegna – IMPRENTAS 2020-2021 LR 22/2018, art. 22”.
Foto: https://www.chicchecalcio.it/lazio-cagliari-2-2-sintesi-video-gol-e-highlights-da-youtube-serie-a/
