Su dixiaseti de friargiu de su 1943, in prena Guerra Mondiali de dus, sa citadi de Casteddu at connotu unu de is disacatuas prus mannus de totu is contus sus. Bombas de su celu lompiant comenti de s’abba candu proit. S’atacu, dirigiu de is alleaus chi boliant liberai s’Italia de su poderi de is nazistas e is fascistas e duncas de cuddus dus ominis, Hitler cun Mussolini, chi iat portau totu s’Europa, e a pustis parti manna de su mundu, a sa guerra. Genti meda fut morta a suta de is bombas e cuss’atacu, lompiu de su celu, at sinnau in manera funduda is contus e sa memoria de totu sa capitali sarda.
Est de arremonai ca in 1943 sa Sardigna fut unu logu de importu mannu po is Stadus de s’Asse, massimamenti po aunia s’agataiat in su Mediterraneu ddu amostaiait unu obietivu militari po is “Alleaus” ca aici boliant debilitai is difesas italianas po duncas lompiri in Sicilia e cumentzai a libertai s’Italia. In Casteddu, prus che a totu, s’agataiant struturas militaris, portualis e ferroviarias de importu mannu.
Est finas de nai ca is bombas de su 17 de friargiu, in su tempus ca no acabbaiat de seguru aici, ant distrugiu sa citadi in parti manna. Difatis, is matessis bombas, no ant distrugiu feti is obietivus militaris, ma finas cuartieris aunia si biat. Intru de is biginas prus boddius cussu de Stampace e de sa Marina funt cussus chi ant prantu de prus de torus. Is mortus po is bombas funt medas, a centinaias, e in su mentris atra paricia genti, familias intreas si furint agatas in custritzioni de lassai sa citadi po s’atacai o in is biddas prus a canta o in atras partis de s’Isula. Aici fendu Casteddu, a is prus, pariat una citadi non bivia e su torrai a ponni in peis sa citadi est cumentzau feti a guerra acabbada.
Oi Casteddu arremonat is mortus de is bombas de cussa dì de inferru cun cerimonias medas e atras initziativas.
Màuru Mura
Lunis, su dixiaseti de friargiu de su 2025
Attività realizzata col contributo della Regione Sardegna – Imprentas 2024-2025. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2024-2025. Lei Regionali 22/2018
Foto: https://it.wikipedia.org/wiki/Bombardamenti_di_Cagliari_del_1943
