Sa presidenti de su Consigliu serrat s’atobiu de Atreju 2024. “Gratzias meda de bos’agatai innoi comenti de bintises annus a cust’ala”, at cumentzau a nai de pissu su palcu. “Est unu tempus chi po nosu est longu ma est, po sa politiga italiana, unu tempus ancora prus longu: fut su 1998, fut su parcu de su Colle Oppio e Atreju fut sa sfida de una genti chi donaiat agiudu mannu po cicai de giumpai is ideologias”. A pustis una mirada a cussu chi est stetiu, Meloni at pigau sa difesa de su partidu, massimamenti po cantu pertocat is giovunus de is Fradis de s’Italia, chi una pariga de mesis a immoi, funt stetius incurpaus de ratzismu: “A is picicus de gioventudi natzionali: bosi bogliu nai chi ancora una borta soi cuntenta de bos atrus. Po atacai a mei ant cumentzau cun bos’atrus, su faddimentu de unu non podit essiri faddimentu de totus. E po cicai de mi fairi orruiri ant castiau intru de sa janna de bos’atrus”.
Indenanti a sa genti Giorgia Meloni at assegurau ca “dognunu de nous intendit meda sa responsabilidadi manna chi tenit in is palas, e eus a portai a innantis, finas a s’urtima dì, su doveri chi is italianus nos ant donau po ghiai custa natzioni. Eus a lompiri totu paris, comenti de unu punnigosu, a s’acabbu de su Guvernu e de prus puru. Chini tenit sa spera chi calencunu de nou at a ponni sa persona sua indenanti de sa natzioni at abarrai deludiu meda. E a donai delusionis a sa manca est sa cosa chi prefereus de prus”.
Intru de is chistionis prus caglientis Meloni at chistionau de su centru po is migrantis in Albania chi “at a funtzionai, e chi serbit ddu ia passai dogna noti de immoi finas a s’acabbu de su guvernu italianu. Poita deu bohliu cumbatiri sa mafia e pedu a totu sa Natzioni, a sa genti chi balit, de m’agiudai a binciri contras de sa mafia. Non soi de su nemigu, de soi una femina fata beni”. No est macada nemancu una mirada a s’annu nou chi est lompendu: “Su 2025 at essi s’annu de is mudamentus chi faint a rimiri genti meda. Eus andai a innanti po su ‘premiarau’, aici timiu de is campionis olimpicus de is giogus de palatzu. E aici e totu eus a fairi po s’autonomia diferentziada, sa riforma fiscali e de sa giustissia”.
Màuru Mura
Lunis, su seixi de mesi de Idas de su 2024
Attività realizzata col contributo della Regione Sardegna – Imprentas 2024-2025. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2024-2025. Lei Regionali 22/2018
Foto: https://www.ilgiornale.it/news/interni/meloni-ad-atreju-nessuna-gogna-colpire-me-cancella-chi-siete-2412087.html
