Cun tristura manna Mateu Berrettini s’est arretirau de Wimbledon poita est impestau de su Covid. Ma cantu atrus collegas iant fatu su matessi agatendusì a su postu su? Su test a su Coronavirus non est o nudda obrigu in Wimbledon, ma s’italianu, chi fut unu de is nominis po binciri ocannu in Church Road, at decidiu de ddu fairi su matessi poita “intendiat calencuna cosa chi no andaiat e po responsabilidadi po totu sa genti chi ddi est acostau”, comenti at scritu in Instagram, po fairi sciri ca nci bessiat de su torneu. Tra s’atru, is organizadoris non ponit su divietu de giogai, chi calencunu bengiat picigau in d’unu test antigenicu.
Totu custu poi, po chistionai meglius de su contu, sussedit in d’unu Stadu comenti su Regno Unito aunia su Covid benit bidu comenti un’infrorentzia: perunu incungiamentu a is positivus e is test ddus faint in pagus, is maschereddas tiradas de su totu in dogna logu (finas in is pullman e cale chi siat logu prenu de genti. De mesis medas. Totu diversu in Inghilterra, ma Berrettini at pigau sa decisioni sua.
“Intendia calencuna cosa chi no andaiat po su meglius e mi soi incungiau po una pariga de dis – at spiegau su tennista prus bonu de is itallianus, chi oi iat airi giogau contras su cilenu Garin –. Finas chi cussu chi intendu no est meda apu decidiu ca fut de importu mannu fairi un’atru tamponi custu mengianu po ciciai de ponni arriparu sa saludi e sa seguresa de is cumpangius mius e de totu cussus chi trabagliant in Wimbledon”.
De su cumentzu de su torneu giai un’atru, intru de is favorius, su croatu Marin Cilic, s’est depiu arretirai sempiri po su Covid.
Amargura manna, finas poita Berrettini ocannu, a pustis sa manu strupiada e is dus torneus bintus in Stoccarda e Queen’s, podiat de veras binciri su torneu, bistu ca non c’est Federer e cun Djokovic e Nadal chi non funt postus beni.
28 de làmpadas de su 2022
Màuru Mura
“Attività realizzata col contributo della Regione Sardegna – IMPRENTAS 2021-2022 LR 22/2018, art. 22”
Foto: https://www.ilmessaggero.it/sport/tennis/berrettini_positivo_covid_ritiro_wimbledon_ultime_notizie-6781179.html
