Ot’oras de scioperu duas dis a innanti de Paschigedda bastant po fairi cumprendiri su disisperu de is trabagliadoris de s’Auchan comporau de Conad. Funt cuatru in Sardigna is iper mercaus e cussus chi ddue trabagliant funt setigentutrintotu, in totu s’Italia erribant a unu pagu de prus de tregimila. Conad iat giai fatu sciri ca cuasi sa metadi de sa genti chi ddue trabagliat est in prus e de custus tremilaecentucincu non si podint torrai a collocai de peruna parti.
In su fratempus s’Antitrust at bidu ca in sa compara de sa Conad ddu est caleguna cosa chi no andat, una de custas cosas non fait dromiri, massimamenti, is trabagliadoris de Terranoa: sa Conad iat a tenni sa positzioni de dominiu in su mercau e non si podit. Po custu is sindacaus pedint a bogi arta chi bengiat oberta una mesa de trabagliu cun sa Regioni.
