Cent’annus, a eriseru, funt passaus de candu Nelson Mandela est nasciu in sa biddigedda pitica-pitica de Mvezo. Mandela est unu de is ominis prus importantis chi ant biviu in custa terra e at essi arregodau de totus po sa presoni chi at fatu, bintiset’annus, feti po essiri nieddu e po airi postu s’acabbu a su stadu de Apartheid in su Sud Africa in su 1991.
Po s’arregodai custa dî (in su 2009 s’Onu at creau su “Mandela Day”) in totu su mundu funt stetius aprontaus atobius mannus. Cussu prus importanti de totus dd’ant fatu in is Natzionis Unidas aunia s’est chistionau de pagi in su mundu in-una cunferentzia intzerriada “Nelson Mandela Peace Summit”.
Dî innanti de eriseru, invecias, a ddu arregodai est stetiu su primi presidenti afroamericanu de is Stadus Unidus, Barack Obama, lamau a chistionai indenanti a cuindigimila ominis, feminas e piciocus in su stadiu Wanderers de Johannesburg.
Foto: biografieonline.it
