Oe sos ideales sun negados
in dogni logu a sa póvera zente,
sos ch’an dinari in buscia solamente
detzidin su destinu ’e sos Istados.
Sos póveros sun sempre ricatados
dae calchi polìticu potente,
e poi ch’an a isse postu mente
lean sa paga ’e sos boes domados.
Podet puru votare comunista
ma unu dipendente proletàriu
non podet esser un’idealista.
Silone at nadu in unu seminàriu:
”Non podet esser bonu socialista
s’ómine chi no est milionàriu”.
