Custu Don Mazzi, fora ’e sagrestia,
est tra cummèdia e religïone:
sempre presente in televisione
che pedrusìmula in gastronomia.
Tra Mara, Milly e Antonella Elia
est che Cristos in crutzifissïone.
Li mancat solu afaca unu ladrone
e un’àtera vìrzine Maria.
Penso chi siat una suferèntzia
esser in mesu a tanta grascia ’e Deus
pro unu satzerdote in astinèntzia.
Si in cussu modu sufrire at detzisu
forsi no nd’at iscobertu unu peus,
pro aer unu postu in Paradisu.
