pitigalimba defSos capellanos in sos ispidales

Sun de cunfortu pro sos suferentes

e in sas fortzas armadas presentes

sun pro consizos ispirituales.

 

 

Ma istonan in tzertos ambientes

chi a issos non sun cungeniales,

tra provocatziones sessuales

e coscias nudas tropu impertinentes.

 

 

Ma cun s’iscuja chi a sos pecadores

inie insizan pretzetos divinos,

los ammitin cun totu sos onores.

 

 

In discoteca ballan oe in die,

e s’abbèrini torra sos casinos

bisonzan capellanos finz’inie?!