Nasciu a Santu Èngiu, in su 1952, laureau in iscentzias politicas. Coment’’e portieri est cresciu in su Casteddu. Teniat ainnanti portieris bravus e famaus che Albertosi e Reginato. Sa prima partida in Serie A d’at giogada contras de su Torinu su 13 de maiu de su 1973 in Casteddu.
Est diventau titolari in su campionau 1975-76, abarrau in su Casteddu finas a su1978. Insegus at tentu sa fortuna manna de andai a giogai in su Torinu e po medas annus at fatu de segundu a Terraneo.
Est abarrau in sa scuadra de Torinu finas a su 1987. Una de is soddisfatzionis prus mannas de sa carriera sua est cussa de essiri istetiu su primu portieri italianu a parai unu rigore a Maradona. At giogau finas in su Verona e at acabbau in su 1988.
