Candu ancora s’acordiu, intru de chini at essi su Capu de su centrumanca, parit atesu, sa sindiga de Genova Sirvia Salis narat sa sua, cun dd’una intervista funduda, arrespundendu a is preguntas de Fabio Fazio. In su studiu de “Che tempo che fa”, una borta imbucada, si pigat una batidura de manus forti e longa. “Mai sussediu”, difatis funt is fueddus de Fazio. A pustis su passu a innantis – aunia si fut narada a disponimentu in su casu fessit lamada po essiri sa Capa de su centrumanca – torrat a nai: “Facu sa sindiga de Genova”.
Fueddas de sa centralidadi de su “campu progressista”, ponit in is punus artus is chistionis de su trabbagliu, e torrat a nai ca is “primarias” non ddi pragint: “non bogliu chi s’amostit una partida intru de is ‘leaders’ poita po binciri serbit “unu obietivu”, in su mentris chi a manca ddu est sempiri s’erriscu de su cumpartzimentu. E a is “primarias” non feti non si at a faiti agatai, ma nemancu at andai a votai: “Giai Schlein e giai Conte mi agiudant in Genova, no iat essi giustu a pigai positizoni, preferendu unu a s’atru. Iat a votai po is politigas chena de problemas”. Fueddus chi lompint in sa dì in sa cali, sa segretaria de is democratigus Elly Schlein in dd’una intervista cun su giornali spagnolu El Pais, torrat a nai ca agatat giustas is “primarias” e ca ant a lompiri a unu acordiu intru de totu is partis”.
Sa segretaria de su Partidu Democratigu at fians de nai de essiri pronta a si candidai e, dapoi, chistionat de is alleaus: “Non parteus de zeru poita in totu custu tempus eus presentau legis medas intru de is chistionis de trabbagliu, sanidadi e politigas industrialis. Torrat a nai finas “ca s’unidadi intru de nosu est una cosa chi nosi pedint is eletoris” e, in segus, chistionat de “clima nou intru de is partis po giumpai is problemas”.
