Una pipia apena nascia est morta de frius intru de sa noti de Paschigedda in sa Striscia de Gaza, acanta de Khan Younis, in su mentris chi Israele cun Hamas sighint a s’incurpai po non airi fatu nudda po dd’acabbai de sparai. Iat essi finas ora ca sa guerra est de catodixi mesis chi sighit.
Su disacatu de sa pipiedda ddu at fatu connosciri su babbu a sa Associated Press, chi at tentu finas atras novas de atrus dus pipius mortus de frius in is urtimas tres cidas.
Sa pipia, nascia de binti dis, est morta in dd’unu aposentamentu is is orus de sa costa aunia su frius est fendusì intendiri meda. Is trumas de is sotzius umanitarius funt fendu fatiga meda a donai cosa de papai, mantas e atru e fait sciri ca a sa genti mancant massimamenti mantas e totu, bestiris caglientis e linna po su fotu. Israele at fatu cresciri sa cantidadi de agiudus chi si podint fairi lompiri, ma abarrat totu a suta de cussu ch abbisongiat a sa genti. Ca aici e totu at fatu sciri finas is Natzionis Unidas.
Su babbu de sa pipia morta, Mahmoud al-Faseeh, at contau a sa Associated Press de dd’airi bida frima e lida in sa cara, de dda airi imboddiada cun dd’una manta in sa tenda aunia bivit sa familia, in sa zona de Muwasi, a foras de Khan Younis, cun su termometru calau finas a noi gradusa a suta de su zeru. Dd’ant portada currendu in su spidali de su campu aunia is dotoris ant cicau de dda sarvai chena, a dolumannu ce dda fairi ca is prumonis funt giai spaciaus.
Is imaginis de Sila, custu su nomini de sa pipia, tiradas de sa Associated Press, amostaiant sa pipia cun is lavaras e sa peddi lida. Ahmed Al Farra, diretori de s’aposentu po is pipius de su spidali Nasser de Khan Younis, at nau, chena farta, ca sa pipia est morta de frius. E at aciuntu ca atrus dus pipiu, unu de tres dis e s’atru de unu mesi de vida, funt mortus su matessi de frius in is urtimas corant’otu oras.
Màuru Mura
Giobia, su bintises de mesi de Idas de su 2024
Attività realizzata col contributo della Regione Sardegna – Imprentas 2024-2025. Legge Regionale 22/2018
Ativadi apariciada cun s’agiudu de sa Regioni Sardigna – Imprentas 2024-2025. Lei Regionali 22/2018
Foto: https://www.lastampa.it/esteri/2024/11/26/news/gaza_emergenza_rifugiati-14840738/
