“Ddu sciaus ca depiaus fairi una partida currendu meda e de machioris. Ci eus provau e ce dd’eus fata”.
Est cuntentu meda de custa vitoria in Napoli s’allenadori de su Casteddu Rolando Maran e c’iat mancai ateru ca cun custa est sa de tres vitorias de sighiu. Imoi su Casteddu bessit a noi puntus in classifica e ndi sighit sa scuadra de Ancelotti e s’incrarat in sa Zona Europa.
“Seus cuntentus meda – at nau Maran, a pustis de sa partida binta in Napoli cun-d’unu gol de Castro – de airi bintu custa partida contras de una scuadra chi segnat sempiri. Biri cuatru giogadoris in s’area de su Napoli a tres minutus de sa fini podit fairi cumprendiri sa gana chi teniaus de binciri”. Mancaiant Nainggolan cun Pavoletti e chini at giogau a su postu insoru at fatu cumprendiri ca cust’annu su Casteddu podit contai in pissu de atrus giogadoris puru e non feti in cussus chi di dda giogant dogan partida. Dominigu erribat in Casteddu su Verona de Juric, su Casteddu podit sighiri a bisai a ogus obertus.
