Ci funt finas is cantinas de Argiolas e cussa de Santadi in sa classifica de is centu prus importantis, de totu Italia, fata de su giorronali Corriere della Sera. Is centu cantinas contant in totu ses miliardus de faturau, centucorantomila etarus de bingias, dus miliardus de ampullas e donant trabagliu a cuasi dogimila ominis e feminas. Est una de is cosas chi funtzionat meglius de s’Italia e in su 2017 est crescia ancora.
Candu duas cantinas,chi faint binu de sempiri, intrant in is primas centu de totu Italia bolit nai ca funt aberu fortis. Sa cantina Argiolas, chi at portau a fairi connosciri in su mundu su Turriga, in su 2017 at tentu comenti de faturau cuasi digiaseti milionis de eurus e produsit dus milioni e mesu de butiglias de binu, donendu trabagli a corantatres dipendentis.
Sa cantina de Santadi puru sighit a orroda. In su 2017 at faturau prus de degi milionis de eurus e portat foras de Sardigna prus de unu cuartu de cussu chi fait. S’annu passau at imbutigliau unu miloni e mesu de ampullas e ddue trabagliant in trinta.
Foto: flaminiaedintorni.it
