“Is piciocus funt trabagliendu beni, comenti de prus non si podit, tenint propriu gana de fairi. Sa matessi cosa s’allenadori e cussus chi trabagliant cun cussu. Soi cuntentu meda deaveras”. Custus funti s primus fueddus de Tommasu Giulini, presidenti de su Casteddu chi eriseru est bessiu a Peio po sighiri de acanta is allenamentus de sa scuadra po s’incumentzu de su campionau nou chi at a partiri su 20 de austu. Giulini ins’intervista cun su canali social de su Casteddu at chistionau de totu.
De is giogadoris nous at nau ca Cerri “est unu de is giogadoris cun su benidori mannu, est giovunu ma giai cun esperientzia manna e podit giogai a su postu de Pavoletti o finas giogai de segunda punta”; “Srna, sighit Giulini, invecias est unu chi de capitanu de is scuadras aunia at giogau at atobiau totu is giogadoris prus fortis de su mundu e s’esperientzia chi tenit nos at a podiri agiudai meda”; “Castro, narat ancora su presidenti, non tenit bisongiu de peruna presentada. Dd’at bofiu Maran e is tifosus ant possiu biri eita giogadori est giai de comenti s’allenat”.
Foto: zimbio.com
