Unu de is giogadoris prus bravus chi at tentu su Casteddu dde candu s’agatat est Màriu Brugnera. Nasciu in Venetzia in su 1946, s’est acapiau po totu sa carriera a sa scuadra prus manna de Sardigna. At incumentzau a giogai in sa Fiorentina e in su 1968 est passau a is orrubiusasulus paris a Erricu Albertosi. Chi ndi tiraus su campionau de su 1974-75, chi at giogau cun su Bologna, est abarrau sempiri cun su Casteddu e candu at acabau puru at decidiu de ddue biviri. At bintu su campionau in su 1970 e in is annus est stetiu su capitanu. A coa de carriera, pusti airi giogau de centrucampista, ddu eus bidu passai a su ruolu de liberu. In doxi campionaus chi at fatu cun su Casteddu at giogau po 404 bortas cun 56 gol.