Lamau de sempri Gigi, s’est acapiau po totu sa carriera a su Casteddu. Nasciu in Ceraxius, at giogau, cun sa maglia chi est istetia de Riva, 14 annus tra serie A e B po unu totali de 320 partidas e 87 retis e arresultat su tertzu giogadori chi at segnau de prus in sa storia de su Casteddu. Iat segnau finas candu at giogau po sa prima ‘orta in serie A contras de sa Fiorentina.

At acabbau de giogai a palloni in sa scuadra de su La Palma pighendusì una parti importanti de sa storica promotzioni in serie C2. Pustis airi fatu su giogadori s’est postu a fairi s’allenadori de scuadras sardas comenti su Ceraxius, su Tortolì, sa Gialeto de Serramanna, su Monteponi de Iglesias, sa Castor de Tortolì e su Progetto Sant’Elia de Casteddu.