Walt Disney fut nàsciu in Chicago in su 1901. Est istétiu animadori, autori de fumetus, produtori, ghiadori, scenegiadori e dopiadori. In prus, nd’at pesau a Disneyland: su primu e prus nodiu parcu de ispàssius, fundau totu asuba de is cartonis animaus. Cun is chi trabballànt cun issu, Disney at criau personagius famaus in totu su mundu, comenti Mickey Mouse, in italianu Topolino. Cun is fumixeddus e is cartonis animaus, at fatu connosci personagius che Paperinu, Tziu Paperoni, Pippu, e fatu bessiri a su cìnema is contus de fantasia prus bellus de dónnia tempus. Walt Disney est mortu in Burbank, in Califórnia, in su 1966.
Su primu personagiu de Disney a tenni fama, innantis de Topolinu, fut istétiu “Oswald”, su conillu scofau. A prim’ora Topolinu si depiat intzerriai in-d-un’atra manera. Su nòmini chi Walt Disney iat scioberau po custu simpaticu personagiu, fut unu pagheddu prus iscuriosu de su chi dd’est tocau: “Mortimer”.
