Sìmbulu de New York e de sos Istados Unidos de Amèrica, s’agatat in s’intrada de su portu subra su riu Hudson, in signale de benénnida. Tenet un’altària de 93 metros, un’armadura atarzina ammuntada de ràmene subra unu fundamentu de pedra granitina. Istrina de sos Frantzesos a sos Istados Unidos, benzeit conduida in 1.883 cascias subra de una navighedda. Presentada a sa zente in su 1886, mustrat una fémina chi jighet in sa manu dresta sa fiara sìmbulu de libertade e in sa manca unu lìbberu cun sa data de su 16 de trìulas 1776, die de s’indipendéntzia americana. In sos pês jighet cadenas truncadas e in conca una corona con 7 puntas chi rapresentan sos 7 mares e sos 7 continentes.
Focus
A fraigare s’Istatua de sa Libertade fit bistadu s’iscultore Frédéric Auguste Bartholdi, chi si fit ispiradu – a narrer de calencunu – a una poesia iscrita in su monumentu funeràriu, òpera de Pio Fedi, intregadu a Giovanni Battista Niccolini chi s’agatat in sa basìlica de Santa Croce a Firenze. Un’assimizu mannu s’istàtua lu tenet cun-d-un’àtera iscultura pius betza: “La Legge Nuova” de Camillo Pacetti, collocada, a manca, subra sa balconada de su portale pius mannu de su Duomo de Milanu in su 1810.
