S’Italia de su tennis erribat a is finalis de sa Coppa Davis. In Casteddu, in su campu centrali de Monte Urpinu, serrau a sa genti po su decretu ministeriali de su Coronavirus, is tennistas italainus Fabiu Fognini cun Simone Bolelli ant bintu, a pustis un’ora e dus minutus de giogu, is coreanus Nam e Song po 6-3 e 6-1.
Fognini, chi teniat doloris a su costau e po cussu at pediu finas sa presentzia de su fisioterapista candu est acabau su primu giogu, e Bolelli funt partus meda prus fortis de is coreanus. Cun custa vitoria, chi est sa tertza de sighiu, imoi s’Italia si giogat sa fasi finali chi at essi a sa fini de su mesi de Sant’Andria.
A pustis Fognini e Bolelli at giogau Stevini Travaglia contras Yungseon Chiung. Facili, po su tennista nasciu in Ascoli Piceno, custa partida e feti in corantaseti minutus dd’at acabada bincendu po 6-0 e 6-1. Cun sa vitoria de Travaglia sa partida de s’Italia cun sa Corea est finia po 4-0.
Foto: https://ilpiccolo.gelocal.it/sport/2015/01/31/news/tennis-fognini-bolelli-si-giocano-in-australia-uno-storico-titolo-slam-1.10776099
