Ndi bessint a foras is primas bogis de cussu chi s’at a fairi a pustis su 3 de maju. In sa mesa de su Guvernu si chistionat, massimamenti, de chini podit andai de una parti a s’atra, chi po s’ora non si podit fairi chi non po abbisongiu mannu. De su 4 de maju, invecias, su Guvernu est pensendu de podiri fairi andai sa genti de una bidda, o citadi, a s’atra, ma non de una regioni a s’atra. Ancora no est nudda de seguru ma, de cussu chi ndi bessit a foras de is aposentus de su Guvernu, po s’ora est custu su pensamentu. Parit chi de su 4 de maju is butegas ant essi ancora serradas e si fueddat de ddas fairi torrai a oberri s’11, is bar e is ristorantis, invecias, sa cida in fatu. In totu, sempiri de su 4, ant torrai a trabagliai non prus de dus milionis e mesu de trabagliadoris. Sa cosa chi si scit de seguru est ca su Guvernu de Conte at a umperai crobba manna e no at a permitiri a totus de torrai in is logus de trabagliu chena mascherinas e guantus. Eus a benni a biri.
Foto:http://www.askanews.it/cronaca/2020/04/20/coronavirus-zaia-riaperture-non-mettiamo-a-repentaglio-salute-pn_20200420_00197/
