De su 28 de martzu, noi trabagliadoris de sa domu de pasu de Samugheo ant decidiu de si ddue acorrai a intru. Cun issus ddu est finas su vicariu Don Diego Tendas. Est unu scioberu de amori po is becius chi si ddue agatant, po ddus sarvai de su su virus chi at fatu mortus meda in is ospitzius. Non fut facili a pigai custa decisioni ma candu s’agatat in is ominis amori e professionalidadi totu est prus facili. Giai de is primas dis de su mesi passau non si faiat intrai a nemus. Nemus est stetiu fortzau, ma su predi at sighiu cussu chi dd’ant nau is dotoris chi sighint is becius, aici su virus non intrat de seguru a impestai chine chi siat.
Frimaus, duncas, totu is atobius cun sa genti de foras. Is butegheris lassant sa cosa in foras e nemus s’acostiat. Ma comenti si dda bivint is becius? “Prus che atru sunfrint de non podiri atobiai is parentis, po calencunu est dificili a ddu cumprendiri. Umperaus is telefoneddus po chistionai e biri sa genti de foras e, po imoi, andat beni.
Finas is trabagliadoris, non feti is becius, sunfrint a abarrai a tesu de is parentis insoru ma candu su coru est mannu totu si podit ingurtiri.
Foto: https://www.borghiautenticiditalia.it/borgo/samugheo
