In pagas oras finas sa Sardigna at mudau faci comenti s’orrestu de s’Italia in sa prima dì de cuarantena natzionali a pustis s’urtimu decretu ministeriali po cicai de binciri su Coronavirus.

Non funt mancadas nemancu is primas denuntzias: unu locali ancora obertu a pustis is ses, dus casteddaius frimaus in s’aeroportu de Cuneo chena peruna urgentzia e torraus a mandai in Sardigna. In su mentris meda genti at sighiu a si spostai de unu cmunu a s’atru chena peruna de is necessidadis noas de su decretu, cussa prus difundia est de su trabagliu.

Su presidenti de sa Regioni Christian Solinas at nau de sighiri a sa litra totu is mesuras chi su Guvernu at donau poita est sa solutzioni prus giusta po ndi bessiri de custu arriolu mannu.”Teneus feti custa strada po ndi bessiri: finas a su tres de arbili tocat a iscansare calechisiat atobiu, viagiu e perigulus, poita su Coronavirus viagiat in is cambas de is ominis”, at aciuntu Solinas.

 

 

 

Foto: https://www.avvenire.it/attualita/pagine/chi-e-solinas-il-nuovo-presidente-della-regione-sardegna