Sighit a s’abasciai, in Italia, su numuru de is impestaus de su Coronavirus, ma ci funt regionis chi, in su benidori prus acanta, ant essi a impestu-zeru. Sa Sardigna est una de custas, si ligit in sa cica de s’Osservatorio Nazionale sulla Salute nelle Regioni Italiane, ghiau de Walter Ricciardi, professori de Igiene in s’Universidadi Cattolica. Non at essi sa prima de seguru, comenti disigliat su presidenti de sa Giunta Regionali Christian Solinas. In s’Isula, po cussu chi narat sa cica, tra una cida non c’at essi mancu unu impestu, aici comenti in Sicilia. Po atras regionis, massimamenti po sa Lombardia e is Marche, impestu-zeru at essi feti a s’acabu de làmpadas.

Po custu, po cussu chi narat sa genti chi ndi scit e cumprendidi, tocat a torrai a oberri a innanti is regionis prus seguras e a pustis is atras. Custu est su pensamentu puru de su ministru a su Sviluppo Economico Stevini Patuanelli e de is presidentis de is regionis de su Sud. Non dda pensat a sa matessi manera cussus de su Nord, massimanenti is lombardus, chi bolint torrai a oberri, totu paris, comenti is atrus.

 

 

Foto: https://www.open.online/2020/04/20/coronavirus-bollettino-protezione-civile-20-aprile/