Morrungius mannus de is sindacaus po is regulas chi su presidenti de sa regioni Solinas at donau po sa “Fase 2”. Massimamenti, sa Filcams Cgil chi rapresentat is trabagliadoris de su cumerciu, turismu e servitzius, scrocorigat is mesuras poita torrat a fairi oberri is butegas su dominigu e is dis de festa.
Po sa segretaria regionali Nella Milazzo, difatis, “depit essir craru, a innanti de dogna cosa, chi sa possibilidadi de andai a comporai cosa est no est ca si depit fairi po spassiu, ma feti poita serbit. Non tenit arregioni de oberri su dominigu”.
Cussa de oberri su dominigu est una bataglia chi andat a innanti de tempus meda, ma, aciungit sa Milazzo “imoi ddu depit essiri ancora de prus, e invecias su decretu de sa Regioni no at cambiau nudda”. “S’erriscu mannu – narat sempiri sa segretaria – est cussu de fairi biri a sa genti ca andai a butega serbit a bessiri de domu po spassiu e non po necessidadi”. Po custu sa Milazzo est crara: “Tocat a torrai a biri custa mesura, poita tocat a tenni rispetu po is trabagliadoris chi in custus dus mesis non si funt mai frimaus. Serrai su dominigu serbit a totus e serbit, massimamenti, po sa saludi”.
Foto: https://www.cgilsicilia.it/categorie/filcams-sicilia/
