Su difensori de sa segunda scuadra de Torinu, Tanieli Rugani, est su primu apestau de Coronavirus de is giogadoris de sa Serie A. Ddu at fatu sciri sa sociedadi aunia giogat cun d’una nota in su situ internet: “Rugani est arresurtau positivu a su Covid-19 e poi imoi non tenit perunu signali. In custas oras seus fendu totu cussu chi depeus comenti narat sa lei. Eus avertiu finas is scuadras chi ant giogau contras de nosu”. In atrus fueddus totu is giogadoris, ma finas allenadoris, dirigentis e genti chi at trabagliau cun Rugani andant in isolamentu in domu insoru. Sa matessi cosa faint is giogadoris de s’Inter chi dominigu a merì ant giogau in Torinu, finas chi Rugani est abarrau setziu e no at giogau po nudda.
Rugani e totu at scritu in Instagram: “Eis de seguru ligiu custa nova e bosi bogliu fairi abarrai trancuillus, istu beni. Cumbidu a totus a fairi cussu chi nosi narant, poita custu virus non castiat in faci a nemus. Ddu depeus fairi po nosu, po is parentis nostus e po totu sa genti”.
Foto: https://www.pianetaempoli.it/lex-azzurro-daniele-rugani-positivo-al-coronavirus-e-il-primo-in-serie-a/
