Eriseru, in s’ora, funt mortus atrus cuatru in s’Isula de Sardigna de Coronavirus: funt un’omini de Santu Tiodoru de norantadus annus, duas feminas, totus duas de Ossi, de norantatres e otantacuat’annus e una picioca piaghesa de corantaset’annus.
Cun custus is mortus, de s’incumentzu de sa pesta, in Sardigna bessint a corantaseti, e is impestaus in totu, contenduru finas sanaus e mortus, erribant a 922. Funt cincuantases cussus sanaus e 819 is positivus: de custus bintises s’agatant in terapia intensiva, centubintitres in is ispidalis e 670 in isolamentu in domu. In totu is tamponis fatus funt stetius 7521 e is impestaus massimamenti s’agatant in sa parti de sus, in sa zona de Tatari-Gaddura funt 610, in sa citadi metropolitana de Casteddu calant a centucorantases, in su Sud Sardegna setantacuatru, in Nugoro sessantacincu e in Aristanis bintiseti.
Foto: https://www.ansa.it/sardegna/notizie/2020/04/03/covid-19-825-casi-in-sardegna-41-morti_bedab5e7-f214-4b59-840d-6dabf12a046f.html
