“Tocat a bessiri feti chi non si ndi podit fairi de mancu. Est s’ora de is sacrificius, de is scioberus responsabilis”.  Cun custus fueddus su presidenti de su Guvernu Giusepu Conte, a s’orbesciri de sa cuarta cida de candu su Coronavirus est erribau in Italia, cumbidat a totus de non abasciai s’atentzioni. “Chi sigheus a abarrai in domu ce dda eus a fairi a binciri su virus – at nau in d’una intervista a su Corriere della Sera -. Is scentziaus narant ca ancora non seus erribaus a su massimu e ca custas funti s cidas cun is erriscus prus mannus. Est sa bataglia prus tostada de medas annus a-i custa parti e po dda binciri serbit s’agiudu de totu is italianus”. “Depeus aspetai calencuna cida po biri chi cussu chi eus decidiu funtzionat e po imoi lassaus is cosas comenti funt. “Non si podeus prus permitiri perunu sbagliu in is cosas chi feus. Si podit andai a curriri a sa sola perou. Creu chi apant fatu beni is sindigus chi ant serrau is parcus e beni faint is guardias a cuntrastai chi sa genti si pongiat totu paris. Custu balit, a dolu mannu, finas po is cresias”.

 

 

Foto: https://www.curiosauro.it/38237/coronavirus-conte-divieti-cdm-rispetto