Prus de duamila funt is mortus in is Stadus Unidus po mori de su Coronavirus in is urtimas binticuatr’oras. Ddu narant is numurus de s’Universidadi John Hopkins e, a cantu narant de s’Universidadi e totu, est su numuru prus mannu de mortus in d’una dì. Cun custus numurus bessint a prus de doximila is mortus americanus e cun totu is impestaus bessint a 383.256.
Su president Donald Trump non si disisperat e provat a dda contai a manera sua: “Atrus Stadus tenint, de seguru, prus malaidus de Coronavirus de cussu chi narant, feti ca donant numurus chi faddint cun sa realtadi”. E narat puru ca s’America no at a donai prus dinari a su sociu de s’Organizatzioni mondiali de sa sanidadi poita, a cantu narat issu, est tropu de sa parti de sa Cina e po custu at addurau a chistionai de su virus e de su perigulu de impestu po totu su mundu. C’at finas de nai ca is Stadus Unidus funt cussus chi, po imoi, ant sempiri donau prus dinari a s’Oms.
Foto: https://deadline.com/2020/04/president-donald-trump-tweetstorm-the-saturday-edition-67-1202900648/
