Est mortu a sa bella idadi de centutres annus s’atori Kirk Douglas, simbulu de Hollywood e stedda manna de film comenti Spartacus. A donai sa nova, po primu, et stetiu, cun d’unu post in Facebook, su figliu Michael chi at scritu: “Est cun tristura manna chi deu e is fradis mius bosi feus sciri ca nos at lassau Kirk Douglas a s’idadi de 103 annus. Po su mundu fut una legenda, un’attori de su tempus mannu de su cinema ma po nosu fut feti unu babbu”.
Kirk teniat unu grandu corpus, ma su caratiri fut dificili comenti scint beni totu is registas chi ant trabagliau paris. Su nomini beru de Douglas fut Issur Danielovitch e fut su solu mascu de domu sua, teniat ses sorris e fut una familia de ebreus russus erribaus in America in is primus annus de su Noigentu. Is primus passus in su cinema ddus at fatus torrendu gratzias a Lauren Bacall, pobidda de Humphrey Bogart, e cun custa iat tentu finas una relatzioni de amori.
De arregodai, tra totu cussus aunia at trabagliau, is film Spartacus, Orizzonti di Gloria, Il brutto e la bella.
Foto: https://gds.it/articoli/cinema/2020/02/06/morto-a-103-anni-kirk-douglas-il-commosso-annuncio-del-figlio-michael-c4e60c17-4de6-432b-bf27-87409b555b49/
