Su presidenti de sa Repubblica Sergiu Mattarella at incumentzau sa festa de su dus de Làmpadas, comenti de sempiri in Roma in S’“Altare della patria”. At ascurtau, a innantis, s’innu de Mameli, in segus, acumpangiau de is presidentis de su Senau e de sa Camera, Elisabetta Casellati e Orrobertu Fico, de su presidenti de su Guvernu Giusepu Conte e de su presidenti de sa Corti Costitutzionali Marta Cartabia, at postu una corona de froris a is peis de su Milite Ignoto.
Su capu de su Stadu italianu est, dapoi, erribau in Codogno, in su Lodigianu “Aunia est incumentzau custu tempus de disisperu, po arregodai totu is mortus e po chistionai de totu is feminas e is ominis chi ant biviu, cun coragiu mannu e sacrificius medas, sa lota contras su coronavirus”. In Codogno a ddu erriciri ddue fut su sindigu de sa citadi Franciscu Passerini, chi at decidiu de ponni su 21 de friargiu comenti sa dì po arregodai totu is mortus de su virus. “Spereus chi siat una dì de totu sa natzioni, at nau su sindigu. A erriciri Mattarella finas su guvernadori de sa Lombardia Atiliu Fontana.
Foto: https://www.tgcom24.mediaset.it/politica/2-giugno-il-presidente-mattarella-arrivato-a-codogno_18989036-202002a.shtml
