Romelu Lukaku, centravanti de s’Inter, at chistionau in Instagram cun Kat Kerkhofs, presentadora in sa televisioni belga e pobidda de s’atacanti de su napoli Dries Mertens. In custa ciaciarrada at fatu cumprendiri ca su Covid-19 giraiat in Italia non de gennargiu ma, comenti si scit, giai de su mesi de Idas. Fueddus chi lassant totus cun sa buca oberta: “Eus tentu una cida liberta in su mesi de Idas. Candu seus torraus, in pissu de binticincu giogadoris, bintitres funt malaidu. No est una brulla”. “Candu eus giogau cun su Casteddu, Skriniar at lassau su campu, a pustis pagu tempus. Non ce dda faiat prus”. Ancora at sighiu Lukaku: “Totus teniat tussi e caglientura, mi donaiat strobu. Fui buddiu candu mi soi caglientau po giogai, deu non tenia caglientura de tempus meda. A pustis sa partida depiaus cenai totu paris cun genti de su sponsor, ma deu mi ndi soi andau a letu. Non eus mai fatu su test po su Covid-19, po cussu non ddu eus a sciri mai cun seguresa eita teniaus”.

Su centravanti niedduasulu est torrau in Italia: “Nos ant permitiu de torrai a domu nosta po unu pagu, ma, in segus, nos ant torrau a lamai poita su campionau podiat uncumentzai un’atra borta. Godin at pigau tres aparechius po erribai in Uruguay, fustis arriolaus medas po torrai a Milanu. Eus tentu timoria manna in is atras duas cidas de acorru”.

 

Foto: https://it.eurosport.com/calcio/serie-a/2019-2020/coronavirus-lukaku-a-dicembre-avevamo-quasi-tutti-la-febbre-e-tosse-skriniar-stava-per-svenire_sto7731645/story.shtml