Furint giai nendu ca fut malaidu meda, calencunu iat nau ca si fut mortu, invecias Kim Jong-un, a pustis tres cidas est torrau a si fairi biri. Parit sanu che unu pisci!
Su presidenti s’est amostau, comenti at fatu sciri sa Kcna, s’agentzia de stampa de sa Corea de su Nord, po festai una fabricain Sunkhon, citadi a cincuanta chilometrus in pissu de Pyongyang, acabada a pustis dus annus de trabagliu.
S’urtima borta si fut bistu s’undigi de arbili. In is fotografias chi ant amostau, Kim est erriendu e ddu aumpangiant sa sorri Kim Yo-jong, su numurus dus de su Partidu de is trabagliadoris Pak Pon-ju e su premier Kim Jae-ryong. Nisciunu de custus teniat sa mascherina, a diferentzia de is trabagliadoris de sa fabrica, postus indenanti de su palcu de is autoridadis.
No est sa prima borta chi Kim non si fait biri po tempus meda. In su 2014 po coranta dis si fut “atacau” e candu fut torrau a bessiri ddu iat fatu tzopi-tzopi, acumpangiau de unu baculu.
Foto: https://www.ilmessaggero.it/mondo/kim_jong_un_trump_corea_dead_morto-5203512.html
