Finas in is urtimas binticuatr’oras, In Sardigna, manc’unu impestu de coronavirus. Sighit po s’Isula su stesiamentu de su Covid, e po imoi su numuru de is impestaus est frimu a 1357. Firmau finas su numuru de is mortus, erribaus eriseru a 131. Cussus chi s’agatant in is ispidalis funt feti 22 e fut unu, de custus, est in terapia intensiva. Totu numurus chi s’agatant in su bulletinu de sa Regioni.

Abarrant in 133 cussus chi funt acorraus, galu, in domu e is positivus a su virus, in totu sa regioni nosta funt in totu 156.

Est a tenni in conca ca su numuru, de totu cussus chi si funt amalaidau, contat finas cussu de is sanaus chi funt 1002. Funt dividius aici in is porvincias: 252 in sa citadi metropolitana de Casteddu, 97 in su Sud Sardigna, 59 in Aristanis, 79 in Nugoro, 870 in Tatari. Is tamponis fatus a eriseru funt bessius a 58224 e de custus feti 537 in s’urtima dì.

 

 

 

Foto: https://www.galluraoggi.it/cronaca/coronavirus-nuovo-caso-positivo-un-morto-sardegna-1-giugno-2020/