A castiai sa tassa mesu sbuida, in Sardigna,si contant is mortus de Coronavirus chi funt erribaus a otanta, chi, invecias, si bolit castiai sa tassa mesu prena tocat a castiai cussus chi funt sanaus: feti eriseru cuindixi e in totu centudixianoi. Atrus 39 funt aspetendu is arresurtaus de dus tamponis po podir nai ca funt sanaus in totu.
In totu is positivus a su virus funt 1.138, aici dividius: 201 in s’area metropolitana de Casteddu; 749 in Tatari e Sardigna de pissu; 86 in su Sud Sardegna; 35 in Aristanis e 67 in Nugoro.
In su mentris in su Policlinico de Pauli sighint is controllus po sa genti chi ddue trabagliat e dus infermieris funt arresurtaus positivus a pustis chi su primu tamponi iat nau ca nou. Oi s’at a sciri de is atrus.
Su Tar at suspendiu s’ordinanza de su sindigu Truzzu poita naraiat de serrai finas is machinetas chi donant cosa de papai e de bufai. Su sindigu at cumprendiu e at cumandau de ddas oberri perou in sa matessi ora de is atras butegas.
Foto: https://www.snackedrink.it/
