S’abasciat, e custa borta ancora de prus e non de pagu, su numuru de is malaidus de Coronavirus in Italia. Is positivus imoi funt 107.709, 528 de mancu cunfrontas a sa dì innanti, candu furint calaus de 20. Is numurus chi at donau eriseru sa Protetzioni Civili funt prenus de genti chi est sanada ma finas de, ancora tropu mortus, 534, chi nosi faint acostiai a is binticincumila. Po imoi funt frimus a 24.468. In totu si contant 183.957 impestaus e funt aici dividius in is regionis italianas:
33.978 in Lombardia (609 de mancu cunfrontas a sa dì innanti), 13.244 in Emilia-Romagna (-278), 14.811 in Piemonti (+254), 10.077 in Veneto (+16), 6.622 in Toscana (+54), 3.463 in Liguria (-33), 3.218 in is Marche (+6), 4.402 in su Latzio (+37), 2.946 in Campania (-73), 1.909 in sa provincia de Trento (-20), 2.812 in Puglia (+2), 1.322 in su Friuli Venezia Giulia (+132), 2.259 in Sicilia (+49), 2.067 in Abruzzo (+5), 1.536 in sa provincia de Bolzano (-4), 407 in Umbria (-17), 837 in Sardigna (-17), 819 in Calabria (-9), 522 in Valle d’Aosta (-26), 245 in Basilicata (+3), 213 in Molise (+0).
Foto: https://www.quotidiano.net/cronaca/coronavirus-italia-bollettino-21-aprile-1.5117070
