Tocat a ddu nai a bogi lena-lena, ma c’est unu numuru chi fait biri sa lugi: po sa prima borta, de candu ant ricoverau a Matia su 20 de friargiu, in Italia c’est prus pagu genti malaida in is urtimas binticuatr’oras. De pagu, ma de mancu. Sighint a si lebiai finas is ispidalis, finas chi abarrat artu su numuru de is mortus.
Custus is numurus donaus de sa Protetzioni Civili in sa dì de eriseru: is malaidus calant de binti, imoi funt 108.237. De custus 2.573 s’agatant in terapia intensiva, est su numuru prus basciu de unu mesi a-i custa parti; 24.906 in is ispidalis e is atrus 80.758 acorraus in domu. Is sanaus bessint, a pustis is 1.822 de dominigu, a 48.877. Is mortus giumpant is binticuatru mila, 454 in prus de sabudu candu si funt frimaus a 433.
Is malaidus funt aici dividius in Italia: 34.587 in Lombardia (90 in prus), 13.522 in Emilia-Romagna (-30), 14.557 in Piemonti (+87), 10.061 in Veneto (-149), 6.568 in Toscana (+72), 3496 in Liguria (+6), 3.212 in is Marche (+30), 4.365 in su Latzio (+44), 3.019 in Campania (-3), 1.929 in sa provincia de Trento (-42), 2.810 in Puglia (+24), 1.190 in Friuli Venezia Giulia (-147), 2.210 in Sicilia (+8), 2.062 in Abruzzo (+75), 1.540 in sa provincia de Bolzano (-26), 424 in Umbria (-12), 854 in Sardigna (-10) , 828 in Calabria (-16), 548 in Valle d’Aosta (-14), 242 in Basilicata (-5), 213 in Molise (-2).
Invecias po is mortus est aici: 12.376 in Lombardia (+163), 3.079 in Emilia-Romagna (+56), 2.409 in Piemonti (+78), 1.112 in Veneto (+25), 667 in Toscana (+30), 957 in Liguria (+29), 822 in is Marche (+15), 349 in su Latzio (+8), 309 in Campania (+5), 366 in sa provincia de Trento (+6), 326 in Puglia (+10), 239 in Friuli Venezia Giulia (+14), 203 in Sicilia (+3), 263 in Abruzzo (+5), 249 in sa provincia de Bolzano (+4), 58 in Umbria (+0), 86 in Sardigna (+0), 75 in Calabria (+0), 127 in Valle d’Aosta (+2), 24 in Basilicata (+0), 18 in Molise (+1).
Foto: https://tg.la7.it/cronaca/coronavirus-i-numeri-del-contagio-di-luned%C3%AC-20-aprile-20-04-2020-149280
