A pustis cuatru dis torrant a bessiri is impestaus de su Coronavirus in Italia. Est cussu chi nd’est beniu a foras in s’atobiu de sa Protetzioni Civili cun is giorronalistas. Imoi funt in totu 62.013 is malaidus de Covid-19, 4.492 in prus de sa dì innanti. Mercuris funt milli de mancu, e imoi contenduru mortus e sanaus funt 80.539 cussus chi ant tentu eita biri cun su Coronavirus. Is sanaus in totu funt 10.361 e is mortus, cun is 712 de eriseru, bessint a 8.215. De totu is impestaus s’agatant 3.612 in terapia intensiva, 123 in prus de s’atra dì. Funt in ispidalis in 24.753 e in domu, chena biri a nemus, in 33.648.
Agostino Miozzo, numuru dus de sa Protetzione Civili, at nau: “Non si podeus aspetai unu calu totu paris. Depeus biri in is dis chi ant a benni, depeus biri beni poita oi is impestaus funt crescius. Podit essiri ca medas tamponis non furint ancora analizaus, eus benni a biri”.
Foto: https://www.today.it/attualita/coronavirus-bollettino-26-marzo-2020.html
