Eriseru eus tentu su numuru prus artu de apestaus e de mortus in Italia. Giumpaus is bintimila malaidus, 20603 po essiri precisus, chi funt 2853 in prus castiendu sa dì a innanti. Funt 1672 cussus in terapia intensiva, 767 feti in Lombardia, 9663 ricoveraus cun doloris e 9268 in isolamentu in domu.

Dì legia po is mortus puru, 368 eriseru chi faint in totu 1809. Eriseru eus tentu is primus mortus in duas regionis: Sardigna e Calabria. Is curaus de eriseru funt, invecias, 369, 2335 in totu. Cussus boddius de su virus in totu, tra sanaus e mortus, est 27747.

De is datus chi donat sa Protetzioni Civili si podit biri ca in Lombardia ddue funt 10043 malaidus, 2471 in Emilia Romagna, 1989 in Veneto, 1030 in su Piemonti, 1087 in is Marche, 763 in Toscana, 396 in su Lazio, 296 in Campania, 493 in Liguria, 316 in Friuli, 179 in Sicilia, 212 in Puglia, 367 in Trentino, 128 in Abruzzo, 139 in Umbria, 17 in molise, 56 in Valle d’Aosta, 66 in Calabria, 199 in Alto Adige, 11 in Basilicata e 82 in Sardigna.

 

 

Foto:https://www.ilmessaggero.it/italia/coronavirus_bollettino_casi_italia_oggi_15_marzo_2020_contagi_protezione_civile-5112928.html